snowfox1222

呢隻貓貓同佢兩個朋友上星期被我捉左去愛護動物協會做左絕育，今日剛剛放番係我樓下，佢地依家見到我都驚驚地，可能比我捉過既關係，而其中一隻9個月大既貓公放番佢時嬲到想殺左我咁濟，我伸手剪索帶開籠放佢，佢就想襲擊我。 遲Ｄ影到相我會upload番上黎。

呢度我想多謝貓義工Jane，波叔同暫托貓貓的珍姐劉姑娘，佢地真係出心又出力。

希望其他版友如果可以就慷慨解囊，捐贈金錢或任何貓狗用品物資比佢地幫街貓流浪狗做絕育手術。依家劉姑娘剛剛收留左十幾隻貓ＢＢ，極之需要ＢＢ貓糧，我都捐左包10KG既ＢＢ糧比佢。

劉姑娘聯絡電話: 63303894

[ 本帖最後由 snowfox1222 於 29-12-2008 15:27 編輯 ]

snowfox1222

之前我放番佢後再捉左佢同其他貓去絕育，經過差不過一星期後，呢隻貓女終於再唔怕我，見到我餵佢都好開心，不過佢另外兩個朋友唔知去左邊，我已經成個星期無見佢地，唔知係咪比我捉過，佢地覺得唔安全所以轉左地盤，希望快Ｄ見番佢地兩個

hkdino

樓主，估不到原來你和我一樣，
為流浪貓默然耕耘。(自己去Google search 啦~)
你要keep住呀！！
版主支持你！

mell

感謝這位朋友支持cccp的啊!!但以後餵貓時,盡量不要和牠們接觸,讓牠們和人類保持距離和介心,畢竟,這個世人還有很多人不喜歡貓,會殘害牠們的.

如果你有興趣做貓義工的,可以加入愛協的cccp計畫的,詳細方法,你可以去hkcat的義工版塊發post問,或者,問你的義工朋友都得的,加油!!!大家一起為貓貓出力!

snowfox1222

話說我放番街貓奀妹後，餵左佢個幾星期後Ｄ貓就失哂蹤影，搵左成個月都搵唔番佢，當時生死未卜令我都好擔心！亦試過係度搵動物傳心師去尋貓不果，最後係幾個大既討論區出過尋貓post：

http://www.hkreporter.com/talks/thread-728936-1-3.html

點知真係有好心人話比我聽奀妹係邊，咁我拿拿林問貓義工借捕獸籠去捉佢，但今次我係想拎佢返屋企收養，因為之前大埔都有變態佬殺貓，怕佢又唔知去左邊度會有危險。可惜上次捉過佢後已經唔肯入籠，我又試過同佢好埋身想一手捉住佢，點知只係捉到條尾仲比佢咬左啖！

之後我就日日都去佢打躉既地方餵佢，希望可以同佢熟左再捉，但佢始終同我保持起碼３呎距離！我跟住仲去左學動物傳心術，希望可以想說服佢返我屋企住但唔係好work！苦無良策捉佢下最後好彩有位有時會去餵貓既靚女幫手，我先可以捉到佢！依家拎左返屋企住左一個星期，原來佢好細膽晚晚要係我睡房度訓，暫時仲係驚驚地我屋企幾住大帝，不過佢都好癡我，希望可以快Ｄ適應。

snowfox1222

佢仲有另一個兄弟係街度唔見左，但我無影到佢相，希望佢都吉貓天相！
而另一個姊妹仲係街，我都日日餵緊佢～